TALISAYNON nga naghatag og dungog sa dakbayan sa Talisay ang sentro ning ika-19 nga Charter Day sa Talisay City karong Dominggo, Enero 12.
Sila n usab ang hatagan og pasidungog sa natampo nila nga naila ang syudad sa Talisay dili lang sa Pilipinas apan sa tibuok nasud usab.
Matud ni Mayor Gerald Anthony Gullas, Jr. nga angay lang nga ang paghandum sa adlaw nga nahimong dakbayan ang Talisay, ilhon ang nakatampo sa paghatag og garbo sa siyudad.
Diha sa natad sa sports, ilabi na niadtong mga atleta nga nisalmot sa Southeast Asian Games, lakip na sa academics, sa mga nag-top diha sa licensure ug mga board exam ug uban pa.
Anaa usab sa natad sa beauty pageant, social services ug diha sa komiuidad.
Special mention ni Gullas nga angay ilhon karong’ charter day ang Talisaynon nga pari, kinsa bag-ong’ natudlo nga Vicar General sa Archdiocese sa Cebu, Monsignor Ruben Labajo.
Si Msgr. Labajo lumad nga taga barangay Poblacion, syudad sa Talisay.
Niadtong Martes, Enero 7, una na nga gipasidunggan sa konseho si Labajo tol sa ilang session.
“Sa pag-celebrate namu sa charter day, we will be awarding achievers representing Talisay in different fields, maybe in sports, academics, in the field of government service or in the community,” saysay ni Gullas.
Sa maong kasaulugan usab mohimo og pag-ground breaking sa mga pipila ka proyekto nga buot mapatuman sa mayor sa syudad ning tuiga.
Ang programa ang himuon sa alas 3 sa hapon hangtud na sa alas 8 sa gabii, sa sud sa City hall.
Motapos sa Charter day program ang duha ka oras nga konsyerto sa lokal nga banda, diin libre kini alang sa buot nga mosaksi ug maglingaw. (FMD)