SUGDAN sa local ug international runners ug fitness enthusiasts ang Sinulog week pinaagi sa pagsalmot sa usa ka inila nga fun run karong Enero 12, 2020 sa Cebu Business Park.
Gibanabanang libuan ang mangapil sa ika-13 nga edisyon sa Cebu Marathon, nga usa sa labing dugay na nga lumba sa dagan sa Sugbo.
Si John Pages sa Cebu ExecutiveRunners Club (CERC), ang grupo nga nagpasiugda sa lumba, nagkanayon nga usa sa mokuha’g atensyon ning tuiga mao ang paggamit og balik sa lumba sa South Road Properties (SRP) ug duha ka tunnels alang sa 42-kilometer category.
“For the first time, the 42Krunners will pass two tunnels—the Mambaling tunnel and the SRP tunnel. Of course, the Mambaling tunnel was completed only last year so this is something new for runners,” matod ni Pages. “Everyone is also excited to run in SRP again.”
Matod ni Pages nga ilang ipaneguro nga ang mga partisipante makasinati na og kasadya sama sa Sinulog pinaagi sa pagpahigayon og mga kalingawan sa mga dapit nga maagian sa rota.
Kagahapon, miabot na sa 1,240 ang nakaparehistro sa 42K, 1,628 sa 21K ug 370 sa 5K.
Ang rehistrasyon sa 5K magpadayon karong adlawa.
Gipaneguro sa mga nagpasiugda nga dili makabalda sa trapiko ang lumba ug ilaha sab tutokan ang kabahin sa kaluwasan sa mga partisipante.
“We have already made public advisory regarding the traffic. For the patron of Sto. Nino, we advise them that there will be runners passing by at the back of the Basilica, the road going to City Hall, at around 3 a.m. to 9 a.m.,” pasabot ni Joel Juarez, kinsa sakop sab sa CERC.
Matod ni Juarez nga inig-abli og balik sa SRP sa alas 9:00 sa buntag, wala na’y runners ang tugtan mga magdagan.
“We have sweepers that will be designated at SRP. If runners are still inside the SRP at 9 a.m. we have no choice but to pull them out. This is for safety since SRP will be opened at that time,” pasabot ni Juarez.
Ang Cebu Marathon nahilakip sa mga kalihukan Sinulog Festival. / ESL