KAPIN sa usa ka milyon nga shabu ang nasakmit na usab sa mga operatiba sa laing hugna nga pag-implimentar sa anti-illegal drug operations sa mga operatiba sa siyudad sa Sugbo ug sa Talisay sugod sa, Huwebes sa hapon, Enero 9, hangtud na kagahapon sa buntag, Biyernes, Enero 10.
Huwebes sa hapon didto sa Barangay Tejero sa siyudad sa Sugbo, nadakpan ang usa ka Lester Reynes alyas Wal Wal, 26, ug molupyo sa Sityo Laurente, Tejero.
Ang mga sakop sa Drug Enfrocement Unit (DEU) sa Waterfront Police Station 3 ubos sa pagpanguna ni PMaj.Joemar Pomarejos.
Gikonsidera ni Pomarejos si Reynes nga apil sa city level high value drug personality.
Nasakmit gikan kaniya ang P170 mil nga balor sa drugas.
Samtang, kaadlawon pasado ala una sa Biyernes, dugang tulo ang nadakpn sa buwag nga pag pangronda sa Barangay Labangon.
Ang mga operatiba sa DEU sa Cebu City Police Office (CCPO) ang nag-operasyon gipangulohan ni PLtcol.Frankie Jingle Lugo, pangu sa CDEU.
Nasikop si Louie Ramirez 26, drayber og sikad, usahay estambay usab nga taga Sitio Trinidad Barangay Labangon ug iyang higala nga si Walter Caballero, 32, usa ka guwardiya.
Kapin sa oras ang milabay si Paul John Camasura, 28, taga, Sityo Bulingit sa susamang barangay ang nadugang sa ihap nga nadakpan didto sa mga operatiba.
Dili moubos sa P200 mil nga balor sa drugas ang nasakmit sa duha ka drug bust.
Didto sa lungsod sa Minglanilla ang mga operatiba sa Regional Drug Enforcement Unit (RDEU) ug Regional Special Operations Group (RSOG)-7 ug Minglanilla Police Station. Nangu sa operasyon mao si PCapt.Romeo Caacoy Jr.
Ang ronda gipatuman sa alas 10 sagabii niadtong Huwebesug nadakpan sila Carmen Mantalaba, 48, target sa buy bust ug nasiop usab si Joel Carcueva, 34, ug molupyo sa Bacay sa maong lungsod.
Si Capt. Caacoy mihulagway nga si Mantalaba makonsidera nga high value target sa Central Visayas.
Ang dinakpan mihimakak sa akusasyon apan siya gisugo bugti sa P3,000 nga iyang sohol. / BBT