UNANG papahawaon na sa Mandaue City Housing and Urban Development Office ang 282 ka pamilya nga biktima sa sunog sa Tipolo, Mandaue City nga naa Cebu International Convention Center (CICC) karong Enero 31, 2020.
Ang 282 ka pamilay giilang nag-abang lang, dili tag-iya og balay nga nasunog. Sa kinatibuk-an, dunay 1,000 ka pamilya ang nasugan sa Tipolo ang naa sa CICC.
Si Vincent Guy Aquino, ang project coordinator sa HUDO, niingon nga dugay n silang nagpahibawo sa mga lumolupyo niadto pang paghatag nila og tabang pinansyal miaging Septiyembre.
Bisan pa ipabilin ang ubang mga biktima sa CICC, temporaryo gihapon ang pagpuyo niini. / KFD