MISIKAD na sab ang pagpangita og laing kandidata alang sa Bb. Island Garden City of Samal (Igacos) 2020.
Suma pa, nangita ang mga organizers og kandidata nga 18 ngadto 24 anyos, residente sa Samal og di moubos sa unom ka bulan, diin gi-certify sab kini sa barangay kapitan sa iyang gipuy-ang dapit.
Dugang kwalipikasyon, nga ang kandidata dapat 5’4 feet tall, high School graduate, single, wa sab sukad manganak o naburos.
Dugang niini nga siya usa sab ka Filipino citizen ug may endorsement gikan sa nag-sponsor kaniyang barangay o ahensiya sa isla.
Kung ikaw kwalipikado, abtik ug salmot sa himuong screening karong Enero 25, 2020 sa PHRDC Catagman, Igacos, 1 p.m.
Kinsa man kadtong moapil, magsuot og casual dress (puti) ug light nga make-up atol sa screening.
Wala say registration fee ang kompetisyon.
Ang entry form makuha sab sa Samal Tourism Office o mahimong mokontak sa 0916-523-4655.