HAYAN madugay ang implementasyon sa pagtukod sa Davao-Samal Bridge gumikan nadeskubrehan ngari ang dakong problema.
Nganong maingon nga dakong problema? Kini gumikan kay daghan ang misupak sa pagtukod sa tulay tungod maigo man ang ilang mga resorts nga giingon ang tag-iya mao ang iladong pamilya nga dunay kalambigitan sa politika.
Sa hamubo nga press conference niadtong Huwebes ni Davao City Mayor Sara Duterte-Carpio iyang gibutyag nga lauman ang kalangay bisan paman naaprubahan na sa National Economic and Development Authority (Neda)-Investment Coordination Committee (ICC) ang badget sa pagpatukod.
“We can expect there is a delay for this project,” ingon ni Duterte-Carpio.
Ang maong tulay usa ka 2,850 meters kun 2.8 kilometros subay sa pagsukod sa Davao City Planning and Development Office nga manukad kini sa R. Castillo ug mokonektar ngadto sa Barangay Caliclic, Babak District.
Kahinumdoman nga si miaging tuig, ang Neda Board pinaagi sa chair niini nga si President Rodrigo Duterte miapruba sa 2,830-kilometer bridge nga dunay project cost nga P23 billion.
Luyo sa tin-aw na nga plano, mo-ngitngit pa gyud kini nga matukod tungod gumikan lisod kaayong masagulan kini og kolor sa pulitika ug labaw sa tanan, lisod kung makayabo og negusyo.
Kung hunahunaon sa 2022 ang eleksyon, unya ang tulay gilaumang mahuman 2025, buot ingnon, maligsan ang pulitika.
Sa bahin sa taga Island Garden City of Samal (Igacos), mawala ang espiritu sa Isla kung butangan kini og tulay, ug nahadlok nga basin unya mohinay ang turismo sa dapit.
Mas maayong daghan una og ikonsidera nga butang ug desisyonan gayod og maayo kung unsay makaayo alang sa turismo nga di mawala ang kanindot sa Isla.