MOABOT ngadto sa 46 ka mga drug personalities ang nadakpan sa gihimong one-time, big-time operation sa mga sakop sa Talisay City Police Station sukad alas 2 Sabado sa kaadlawon, Enero 11, 2020.
Sa 46 ka drug personalities nga nadakpan, 17 niini mga high-value target nga naa sa listahan sa Cebu Provincial Police Office.
Gibana-bana 800 gramos nga gituohang shabu ang nasakmit sa kapulisan sa 13 ka anti-drug operation nga mobalor ang tanan sa kapin P5 milyon.
Nanguna sa operation si Police Major Gerard Ace Pelare ug Cebu Provincial Police Office Director Police Colonel Roderick Mariano.