DAGHAN ang nangutana labi na karon nga hapit na ipasalida ang pelikulang “Block Z” kon naunsa na ang JoshLia o silang Joshua Garcia ug Julia Barretto.
Mao na siguro kini ang ilang last movie together kay nagbuwag naman sila. Gawas na lang kon nagbalik sila. Pero maorag hanap.
Ang “Block Z” nga showing na karong Enero 29 istorya sa zombie apocalypse nga nahitabo sa Pilipinas sa direksyon ni Mikhail Red nga maoy nagbuhat sad sa “Birdshot” ug “Eerie.”
Atong manuntan dinhi ang madugong panghitabo sa mga buhi ug patay sa dihang may miabot nga epidemya sa usa ka university belt diin kinahanglan nilang luwason ang ilang kaugalingon.
Unsaon pagka-survive aning grupo sa mga istudyante batok sa mga zombie nga mi-atake kanila. Makauban dinhi nilang Joshua ug Julia silang Ian Veneracion, Ina Raymundo, Yves Flores, Maris Racal, Myrtle Sarrosa ug Dimples Romana.
Atong sundan ang sugilanon sa mga istudyante batok sa mga patay nga buhi, ay’g saba!
Bisan tuod og minilyon ang kita sa mga pelikula karon sa MMFF dili ikalimod nga mas hinay ug gamay kini kompara sa mga miaging tuig.
Ang upat sa mga nag-unang mga pelikula nga mikitag maayo mao ang “Miracle in Cell no 7”, “The Mail The Merrier”, “3pol Trobol “ ug ang “Unstapabol”. Pero ngano kaha gamay og kita? Mao nay dakong pangutana? Ay’g saba!
Ugma sugdan na ang bag-ong serye nga mohulip sa “Starla” ni Judy Ann Santos-Agoncillo nga natapos niadtong Biyernes. Ang makalipay, makapabibo ug makapakilig ninyo matag gabii sa primetime bida nga “Make It With You” nilang Enrique Gil ug Liza Soberano.
Atong nuntan ang ilang istorya kauban silang Herbert Bautista, Katya Santos ug Fumiya.
Ay’g saba!