HALOS P400,000 nga total cash prize ang nagpaabot sa mga makahuman sa mas gipadako ug mas grandiyoso nga 7-Eleven Run 2020 Davao Leg nga himuon pagawas ug pabalik sa SM City Davao grounds, Pebrero 1 ug 2, 2020.
May bag-ng kategoriya nga 42K mixed relay nga mohatag og P40,000 sa mokampeyon nga tim, samtang ang sunod nga duha ka placers mobulsa og P24,000 ug P16,000.
Samtang sa 42K individual race, ang modaug mohakot og P25,000, P20,000, ug P15,000 sa una, ikaduha ug ikatulong mananaug.
Ang top three Filipino male ug female 21K, 32K ug 42K categories lakip na ang overall 21K relay ug 42K relay champions ang ipadala sab sa international marathon sa Asya.
Si Davao leg technical coordinator Tomas Tan, atol sa media launch sa Philippine Seven Corporation building sa may Mamay Road, Biyernes, Enero 10, nga ang 42K races magsugod sa alas onse sa gabii sa Pebrero 1 ug mahuman sa sunod adlaw, Pebrero 2, diin ang ubang kategoriya, lakip na ang 3K, 5K, 5K buddy run; 10K, 16K, 21K, 21K relay; ug 32K mosipa sab.
“Shortened route this year. Dati may inner loop. For the 42K, from SM City Davao, route will pass through Quimpo Boulevard, Quirino Avenue then turn left to J.P. Laurel Avenue passing Victoria Plaza Mall, Abreeza, SM Lanang and turning around to corner R. Castillo Street passing Tropika Hotel and back to origin,” ni Tan, dungan sa pagsulti nga tanang kategoriya may gipunting na nga transition points.
Samtang si 7-Eleven Run Series project head Michelle Saludes nagdugang, “A mixed relay team shall be composed of either three females and one male, or three males and one female.”
Niya, may premyong P500,000 sa kinsa mang makaguba sa kasamtangang Philippine 42K record.
Alang sab ni Michelle Santillan sa race operation team, nga gilauman nila ang mas daghang partisipante karon nga tuig, itandi sa nanglabay nga katuigan.
“We expect some 7,500 runners this year compared to last year’s 5,000 entries. We understand that the run was still on its introductory stage last year,” ni Santillan.
Niadtong 2019, anaa sa 30,000 ang partisipanteng misalmot sa lumba sa Davao, Manila ug Cebu.
May freebies ug loot bags sa kinsa mang moparehistro ug finishers.
Samtang mga finishers makadawat sab og shirts.