Saludo kami: Sakripisyo, pagpasalamat

Saludo kami: Sakripisyo, pagpasalamat

HUMAN masayri nga siya ang nanguna sa bag-uhay pa lamang miguwanga resulta sa Criminology Licensure Exams, si Fahadale Abbas maikagon kaayo sa maong balita, ug buot kining isulti sa iyang lola nga maoy mimatuto niya sukad bata pa.

Apan, imposible na kini. Dugay ng mitaliwan ang iyang apuhan.

“I am very happy with my recent achievement because I worked hard for this, but a part of me is sad because I cannot personally share this news to my Lola. I wanted to give back and pamper her after all what she sacrificed for me but it’s too late, she’s now in heaven,” suma niya.

Ang lola ni Abba nga si Hadji Subaida Saripada Abbas namatay, Hulyo 9, 2017.

Kasamtangan siyang anaa sa ikatulong tuig sa criminology sa St. John Paul II College of Davao dihang nahitabo kini.

Niya, buot niyang bitbiton ang iyang lola sa Mecca sa Saudi Arabia alang sa annual Hajj (pilgrimage).

Sayod siya nga mapasigarbuhon kaayo ang iyang lola sa iyang naangan, dugang niya, ang iyang himuon karon mao nga puy-an ang mga maayong pagtulun-an nga gitudlo kaniya sa iyang apuhan.

Ang 22-anyos nga topnotcher gikan Barangay Gumitan, Marilog District, Davao City gipaambit sab ang maong kalampusan sa iyang kabanay, nga misuporta kaniya.

Si Abbas ikaunom sa ikapitong magsuon, sa ginikanan nga pulos mag-uuma.

Dihang nasayran nga siya mipasar ug nanguna sa eksamin, niya tanang kahagu ug sakripisyo sa iyang pamilya subling mibalik kaniya, ug siya nahimong emosyonal.

Related Stories

No stories found.
SunStar Publishing Inc.
www.sunstar.com.ph