ANG Cebu City Transportation Office (CCTO) niabiso sa mga motorista nga adunay ipahigayon nga temporaryong rerouting atol sa Sinulog sa Kabataan-Dakbayan 2020 karong adlawa, Enero 12, 2020.
Ang rota sa kalihokan moagi sa Osmena Blvd. Mag-gikan kini sa Legaspi extn. (Plaza Independencia), mosunod sa Legaspi st., unya wala sa Plaridel extn., tuo sa Osmena Blvd., wala sa R.R. Landon st. unya mosulod sa gate sa Cebu City Sport Complex. Magsugod ang rerouting alas 12 sa udto hangtod mahuman ang kalihukan.
Sa ilang press release, ang apektado nga mga public utility jeepney mao ang gikan sa Lahug, Capitol, IT Park, Guadalupe, Banawa, Talamban, Gen. Maxilom ave., Basak, Pardo, Labangon ug Urgello.
Sa mga 04B, 04D, 04E, 04H, 14D, 17B, ug 17D lahos sa Gorordo Ave., tuo sa Gen. Maxilom ave., wala sa F. Ramos St., tuo sa Junquera st., tuo sa Colon st., unya tuo usab sa Pelaez st., wala sa R.R. Landon st. ug ngadto sa ilang gigikanan. Samtang ang 14D, mopawala sa Colon st., tuo sa Mabini St., tuo sa Gullas St., tuo sa Legaspi/Pelaez St., wala sa P. Del Rosario St., ug ngadto sa ilang gigikanan. / JCT