SUPERBALITA CAGAYAN DE ORO

Super Ka: Solo parents, Adbokasya ni Miss Kuyamis 2020

GARBO sa lungsod sa Opol Misamis Oriental ang mananaog sa Miss Kuyamis 2020 nga mao si Isabel Teano.

Si Teano, gawas sa titulo nga Miss Kuyamis 2020 kon diin aduna kini makuha nga cash prize nga P50,000, nakaangkon sab og nagkadaiyang minor ug major awards sama sa Best in Swimsuit ug Miss Skinology.

Atol sa Question and Answer portion ug sa pangutana nga, “How will you describe tourism in Misamis Oriental at present?”

Kini ang tubag ni Teano nga nakapadaog niini.

"Tourism in Misamis Oriental is absolutely fantastic for me as what Governor Bambi said that 7th Kuyamis Festival is improving and its giving job opportunities not just to the Misamisnon but to the whole people in the Philippines as well and I can describe the tourism of Misamis Oriental as a blessed because it is not just about a tourism but it’s also about the people that sustain the tourism in Misor and I think that’s what matter most the people, the misamisnon so let us all preserved our tourism for we can pass it to the next generation," matud ni Teano.

Sa interbyu sa SunStar Superbalita kaniya human sa koronasyon, iyang gibutyag nga sa iyang reign aduna siyay adbokasya nga bout niyang mahatagan og pagtagad ug kini mao ang mga solo parents.

"Naa koy advocacy which is about solo parents so I will help and coordinate with the local government unit and Provincial Government para matunol og livelihood programs and job opportunities and also health care para sa mga solo parents," matud niini.

Gibutyag sab niini inga kung mahatagan og oportunidad nga morepresenta sa national pageant andam siya kanunay niini.

Gipaabot sab niini iyang mensahe ngadto kang Misamis Oriental Governor Bambi Emano nga dili pakaulawan ang probinsya sulod karon sa iyang reign.

Samtang first runner up nga dunay mabitbit nga P40, 000 sa Miss Kuyamis ang pambato sa lungsod sa Lugait nga si Essel Mae Pabillaran kinsa nahimo sab nga Miss Aim to Top ug Best in Panel Interview.

Second runner-up nga dunay cash prize nga P35,000 ang naangkon sa pambato sa lungsod sa Talisayan nga mao si Sheena Balansag kinsa nakaangkon sab og Face of Le Rouge Salon and Spa.

Ang 3rd runner up nga dunay mabitbit nga P30,000 naangkon sa pambato sa Gingoog City nga si Pauline Feronil nga mao sab ang Best in Kuyamis Festival Attire.

Ang 4th runner up nga dunay gihapon P30,000 cash nga premyo naangkon sa Alubijid nga mao si Veronica Yvette Valdez.

Ang Miss Mendez Medical Group mao si Miss Irish Claire Daug, sa El Salvador City ug Most Photogenic ang pambato sa Medina.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph