LAAK, Davao de Oro -- Usa ka wala pa mailhi nga lalaki ang napalgang patay nga gibaatan og packaging tape ang baba ug gilabay daplin sa kalsada sa Sitio Logdeck, Barangay Amorcruz, sa Laak, Davao de Oro, Dominggo sa buntag, Enero 12, 2020. Ang Laak Municipal Police Station nanawagan sa katawhan nga kun kinsa man ang nawalaan og miyembro sa pamilya mamahimo lamang nga makig-alayon kanila. Anaa sa morgue sa Compostela Valley Provincial Hospital sa Laak ang biktima kinsa nagsuot og itom nga t-shirt, short pants og kolor gray, tambukon, ug anaa sa 40 ngadto 55 anyos ang edad. Padayon ang gihimong imbestigasyon sa kapulisan sa Laak Police sa maong hitabo.