Uyuan giihaw sa pag-umangkon

MATALAM, North Cotabato -- Nabugtuan sa iyang kinabuhi ang usa ka mag-uuma nga gitigbas sa iyang pag-umangkon alas 6:30 sa gabii niadtong Sabado sa probinsiya sa Cotabato.

Giila ang biktima nga si Jerry Landaay Taligtig, alyas Beltran, 42-anyos, minyo, mag-uuma samtang ang suspek mao si Jecker Taligtig Fuentes alyas Bongbong, 29-anyos, ulitawo ug pulos mga molupyo sa Purok 9, Barangay Bato, Matalam, North Cotabato.

Sumala kang Matalam Chief of Police, Major Brian Placer nga samtang nagtindog ang biktima atbang sa iyang balay kalit lang niabot ang iyang pag-umangkon nga si Fuentes ug sa walay pagpangutana gitigbas niya ang iyang uyuan gamit ang lagaraw.

Patay gilayon si Taligtig nga nakaangkon og daghang samad tinigbasan sa nagkadaiyang parte sa iyang kalawasan. Pipila ka gutlo ang milabay, nadakpan si Fuentes.

Dugay na nga nagkabikil ang uyuan ug iyang pag-umangkon gumikan sa away nila sa utlanan sa yuta nga ilang giugmad.

Sa kasamtangan gibalhog na ang suspek sa prisohan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph