MAGDINUMBOLAY ang labing maayong mga bilyarista sa nasod sa gipasiugdahan ni Senator Manny Pacquiao nga billiard tournament nga giulohan og PHP 1 Million Valentines 10-ball Open Championship.
Ang torneyo ipahigayon karong Pebrero 3-14, 2020 sa SM City sa Bacolod City.
Mangulo sa mga partisipante mao sila si 2017 World Pool champion Carlo Biado, 2015 Manny Pacquiao (MP) 10-ball champion Jericho Bañares, kanhi All Japan winner Lee Van Corteza, Johann Chua ug Jeffrey Ignacio.
Ang kampiyon sa singles event makadawat og P150,000; makabulsa og P75,000 ang 2nd placer; samtang ang mga mapilde sa semis adunay P30,000 matag usa.
Sa doubles category, ang kampiyon makakuha og P200,000; makadala og P100,000 ang 2nd placer; samtang ang mga mapilde sa semis adunay P40,000 matag usa. (ESL)