KOMPIRMADO nga motambong si Presidente Rodrigo Duterte karong Dominggo, Enero 19, sa Sinulog festival karong Dominggo.
Si Presidential Assistant for the Visayas Secretary Michael Lloyd Dino mikompirmar sa pagtambong sa Presidente sa Dominggo.
“President Rodrigo Duterte will be attending the Sinulog 2020 grand parade this coming Sunday. Cebu City Mayor Edgardo Labella sent the invitation to the President that was coursed through our office,” si Dino sa iyang opisyal nga pamahayag.
Mao kini ang labing unang higayon nga motambong ang Presidente sa Sinulog sa Sugbo sukad milingkod siya sa iyang pwesto.
“The President Duterte will deliver his message during the Sinulog 2020 Ritual Showdown at the Grandstand of the Cebu City Sports Complex,” si Dino nagkanayon.
Base sa nakuha nga impormasyon sa Superbalita Cebu, moabot ang Presidente alas 4 sa hapon ug modiretso sa Cebu City Sports Center.
Human sa iyang speech sa Abellana, aduna usa siyay pribado nga dinner kauban ang mga dinapit ni Dino.
Posibleng shutdown
Dunay posibilidad nga dunay shutdown sa signal sa cellular phones atol sa Sinulog ning pagtambong ni Duterte.
Gawas niini, kana kon dunay madawat nga hulga sa seguridad ang kapulisan aron pagsamok sa kalihukan.
Matod ni Police Regional Office (PRO) 7 Director Police Brigadier General Valeriano de Leon nga alang sa labing luwas nga pagbantay sa siguridad sa Presidente, ilang ipapawong ang signal sa tanang cell sites.
himuon kung mo tambong ang labing taas nga opisyal sa nasud nga si President Rodrigo Duterte ug kung aduna nay madawat nga hulga ang kapulisan nga mosamok sa maong kalihukan.
Apan iyang giklaro nga kon siya lang ang pabut-on, labing maayo nga way signal alang sa kasigurohan ug kaluwasan sa publiko nga mosaksi sa mga kalihukan sa Sinulog.
“Pero kung kinakailangan for the benefit of the majority, we also shut it down. Pero sabi ko nga when the need arises, but generally to be more safe baka masa-shutdown siya,” matod ni de Leon.
Atol sa aerial inspection ni de Leon uban sa kadagkoan sa Sinulog Foundation Inc. (SFI) sa rota sa parada, iyang nabantayan nga gagmay kaayo ang kadalanan nga subayon sa mga mosalmot sa grand parade.