NAPULO pa lang ka mga vessel ang miparehistro sa Philippine Coast Guard (PCG) nga gusto mouban sa fluvial procession karong Sabado, Enero 18, 2020.
Mao kini ang gipahibaw ni Lieutenant Junior Grade Michael John Encina sa mga tigbalita.
Gibutyag ni Encina nga sa miaging tuig may moabot 90 ka mga vessels ang miparehistro og miuban sa fluvial or seaborne procession.
Sa Martes, Enero 14, 2020 ang uwahing adlaw sa registration.
Hinungdan nga giawhag niya nga moparehistro na ang mga buot mosalmot aron tugutan kini nga muoban.
Ang Galleon nga gamiton alang sa seaborne procession mao ang MV Teofilo Camomot nga iya sa Mandaue Shipping and Lighterage Corp.
Ipahigayon Lunes, Enero 13, ang dry run sa seaborne procession.
Susihon sa PCG ang rota og ang oras sa pag lawig aron masuta kon makaabot ba sa giplano nga duha lang ka oras o mas menos pa ang gitagal nga pag lawig sa galleon. (ANV)