SUPERBALITA CEBU

Cafgu patay human napusilan sa kauban

ORMOC CITY, Leyte -- Patay ang usa ka sakop sa Citizen Armed Forces Geographical Unit (Cafgu) human napusilan sa iyang kauban sa Sitio Mahanagdon, Barangay Tongonan, Ormoc City.

Giila ang biktima nga si Jomar Yubal, 24, Cafgu, taga San Joaquin, Capoocan Leyte.

Ang suspek mao si Army Staff Sergeant Aldrin Madrid, 37, taga Buenos Iris, Victoria, Northern Samar.

Matod ni Police Staff Sergeant Jomar Nerves, imbestigador sa kaso, nagsilbi nga team leader ang suspek sa ilang tropa.

Nag-inom kini og tuba uban sa iyang mga sakop.

Dugang ni Nerves nga base sa ilang pakighinabi sa mga kauban, hubog kaayo ang suspek ug nag-hallucination nga dunay "ungo."

Nikuha kini sa iyang M16 rifle ug nagpabuto sa ibabaw nga bahin apan nakabantay kini nga sa ngitngit nga bahin dunay kasikas.

Gikuha niini ang iyang gloc pistol ug gipamusil ang lugar nga may kasikas ug didto naigo ang biktima.

Patay diha-diha si Yubal samtang dali nga gidis-armahan ug gipugngan sa iyang mga kauban sud sa kampo ang suspek.

Matod ni Nerves, alas 5:30 na sa kadlawon, Lunes, Enero 13, 2020 nadawat ang report apan ang insidente nahitabo alas 12 pasado na sa kadlawon.

"Wala man hinuon sila'y personal grudge. Nag-hallucination lang gyud ang suspek kay hubog kaayo," matod ni Nerves.

Nasayran nga nadestino usab kaniadto sa Marawi ang suspek.

Ang insidente nahitabo sa bukirang bahin ug lisod ang signal, mga 10 kilometros kini gikan sa campsite sa Barangay Tongonan.

Ang suspek giaresto sa mga pulis didto sa ilang kampo ug pasakaan og kasong Homicide Martes, Enero 14.

Nahibawo na usab ang pamilya sa biktima. (JKDP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph