SIKOP ang usa ka lalaki human gitunol sa mga otoridad ang warrant of arrest niadtong Enero 13 mga alas 12:10 sa Purok 5, Zone 10, Upper carmen ning siyudad sa Cagayan de Oro.
Ang suspek nailang si Erwin Llacuna, 33, minyo ug residente sa maong dapit.
Subay sa report sa kapulisan dunay kasong statutory rape si Llacuna nga dunay criminal case number R- CDO - 19 - 04026- CR ug dunay girekomendang piyansa nga P200,000 alang sa temporaryong kagawasan.
Samtang nibutyag si PCol Henry Dampal nga dili mohunong ang mga otoridad sa Cagayan de Oro City Police Office (Cocpo) sa pagpangita sa mga dunay tulobagon sa balaod.
“Cocpo will never stop hunting the wanted person and put them back to the hands of the law to answer their crimes and we will do our best to help the city crime free by running after the wanted personalities,” matud ni Dampal.