P69M na ang nakolekta sa buhis

SULOD sa 13 ka mga adlaw nga pagpangolekta og buhis anaa na sa P69 milyones ang koleksiyon diin mas taas kini kumpara niadtong nilabay nga tuig sa susama nga mga adlaw.

Gibutyag ni Teodoro Sabuga-a, City Administrator, nga sa kinatibuk-ang koleksiyon sa business permit ug real property tax mas nisaka karong tuig.

“The same date as of January 13 last year P63 million man to karon sad i-compare nimo sa 13 days P69 (million) ang atong collection,” matud ni Sabuga-a.

Gidugang pa niini nga wala pa kini labot sa mga nagbayad og una niadtong bulan sa Disyembre ug nakapahimulos sa 25 porsyento nga insentibo.

“Wala pa nay labot sa nagbayad ng daan og buhis sa December tungod atong 25% nga incentives,” dugang pa.

Nasayran nga ang gitakdang deadline mao karon lamang Enero 20 ug magdepende pa ang lugway.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph