GIPAHIBALO sa Philippine Coast Guard Cebu (PCG) nga kinahanglan nga moparehistro ang tanan nga floating vessels nga buot mukuyog sa Sinulog seaborne procession karong Sabado, Enero 18, 2020.
Si Deputy Commander Rodulfo Dela Peña sa PCG Central Visayas nagkanayon nga gikan niadtong Disyembre sa pagbukas sa rehistrasyon, may natala nga 25 ka mga vessels pa lang ang nakaparehistro og makakuyog sa seaborne procession.
Matod ni Dela Peña nga ang vessels nga wala makaparehistro babagan sa mga personnel sa PCG panahon sa procession.
“Yes, papahawaon gyud namo na sila if wala’y registation kay naa man mi flags na ihatag sa ilaha upon registration,” matod ni Dela Peña.
Ugma, Enero 14, 2020 maoy uwahing adlaw sa registrat
Ang safety certificates nga gikinahanglan aron makauban sa procession adto kini pangayuon sa Maritime Industry Authority (MARINA 7) og PCG Visayas alang sa registration.
Bisan pa man sa mubo nga datos nga natala sa PCG sa mga vessel nga miparehistro, gilaoman nga sa uwahing adlaw may moapas pa gihapon og makaabot-ot kini sa expected nga 100 ka floating vessels nga makakuyog sa procession.
Samtang gahapon, Enero 13, 2020 gipahigayon ang dry run sa fluvial procession.
Gisubay niini ang rota sa Galleon nga maoy sakyan sa imahe ni Sr. Sto. Niño una kini mobalhin sa Basilica Minore Del Sto. Niño.
Nasuta sa coastguard nga may mga giagian nga bahin sa dagat nga mabaw ra hinungdan nga pamutangan niini og marker ang agianan aron dili mosadsad ang barko.
Sa maong dry run mikabat lang og 59 ka minutos ang dagan sa Galleon.
“Ganiha ang atong travel from Captain Veloso pier nasa 59mins gi timan namo with the speed of 5 knots wala nato naabot ang atong target nga 2 hours the fluvial procession, with that assessment i-reduce namo ang speed sa Galleon to 3 knots na siya mga 1 hour and 30 minutes na siya”, matod ni Galleon,” matod ni Dela Peña.
Kon man gani dili maayo ang panahon atol sa fluvial procession, gipahibaw ni Lt. Jr. Grade Michael John Encina nga dili na ipadayon ang maong kalihukan.
“Well yung plan natin definitely if hindi cunclusive yung weather.." dason niya. (ANV)