SUPERBALITA CEBU

Tambagi ko Noy Kulas: Baho na

DEAR Noy Kulas,

Tawga lang ko og Magda, ag-edad na og 30. Ang akong problema ang akong bana nga drug addict. Duna mi usa ka anak nga nag-eskwela na, but ako ra ang naggasto kay ang iyang kita sa pagmasahero sa habalhabal, sa bisyo ra og barkada padulong.

Taudtaud na ni ang iyang bisyo. Nagsugod ni dihang nagtrabaho pa siya until na positive siya sa drug test. Mao nga nidata-data na lang siya og motor ug nag-drive og habalhabal. Igo ra sa iyang datahan ang iyang kita kay maadto sa suyop ug inom ang iyang kita.

Kay lagi lain na siya og baho tungod sa iyang bisyo, sagad mobalibad na ko niya og sex. Masuko siya kay basin naa na kuno koy lain unya mahug sa away ug madapatan na hinuon ko. In short, pinugos ang akong pakig sex niya.

Ang akong parents gusto nang pabiyaan ang akong bana kay wa may pulos kay akoa na man tanan. Bisan sa pag-atiman sa among usa ka anak, akoa tanan. Wa sab ko magsalig niya kay kaya ra nako buhion ang bata. Naglibog ko kay bisan tuod ingon ani ang akong bana, wa man siya mamabaye. Maluoy ko maghuna-huna kon maunsa siya kon akong biyaan. Unsa kaha ang akong maayong buhaton?

Magda

Magda,

Kon imong biyaan ang imong bana, mosamot na kaguba ang iyang kinabuhi ug seguradong maapektuhan ang inyong anak kon kini mahitabo. Mahimo usab nga makaguba ang inyong sitwasyon kon di nimo tarungon og balanse.

Ang pag-abandonar maoy labing sayon nga paagi sa paglingkawas sa imong responsilidad niya isip asawa ug siya imong bana. Magpanumpaay mo nga mag-unongay sa kalipay ug kasakit. Busa, ayaw dayon pag-surrender. Pag-estora mo kanang sober siya. Kanang di siya high sa illegal drugs ug di siya hubog. Pagpatabang usab sa iyang parents ug ubang family member aron kombinsihon siyang mag-usab.

Kon di siya matandog, basin ang pwersahan nga rehab inabangan sa barangay ug kapulisan makapausab niya. Kana tingali mahimong epektibo kon mahadlok siya sa mga awtoridad.

Hatagi siya og ultimatum nga kon di siya mobiya sa bisyo, ikaw ug ang inyong anak ang mobiya. Sultihi siya nga mapugo ka sa pagbiya kay wa na siyay maayong nabuhat alang nimo ug sa inyong anak. Basin pa diay, makahinuktok siya niani. Ubani usab og hugot nga pag-ampo.

Di gani siya madala ani nga mga pamaagi, that is the best time to leave him. Kana kon ang tanang mga pamaagi nahurot na. Di na makamahay nimo ang iyang pamilya.

Noy Kulas


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph