GIPASIDUNGGAN sa Philippine Basketball Association (PBA) si Southeast Asian Games gold medalist surfer Roger Casugay gumikan sa iyang mabayanihong nahimo sa matag duha ka mga tuig nga kompetisyon sa miaging buwan.
Nabaniog sa tibuok kalibutan ang pagluwas ni Casugay sa iyang Indonesian nga kaatbang nga si Arip Nurhidayat, kinsa gikaon sa dagkong mga bawod human kini nabuwag sa iyang surf sa men’s longboard open competition.
Imbes nga mopadayon sa kompetisyon, si Casugay mitabang kang Nurhidayat ug gipasakay kini sa iyang surf paingon sa daplin.
Gihatag sa PBA ang ilang pasidungog ngadto kang Casugay atol sa halftime sa Game 3 sa PBA Governor’s Cup finals tali sa Barangay Ginebra ug Meralco niadtong Dominggo sa Smart Araneta Coliseum.
Si PBA Commissioner Willie Marcial kauban ang ubang board of governors mingtunol og plaque of recognition ngadto kang Casugay. (ESL)