Pacquiao, Spence target ni Crawford sa tuig 2020

GIPABUHAGAY ni World Boxing Organization (WBO) welterweight champion Terrence Crawford (36-0, 27KOs) nga ang gusto ra niyang kontrahon sa tuig 2020 mao sila si Filipino boxing icon Manny Pacquiao ug Errol Spence Jr.

Si Pacquiao (62-7-2, 39KOs) maoy tag-iya sa World Boxing Association (WBA) welterweight title samtang si Spence Jr. (26-0, 21KOs) maoy tag-iya sa World Boxing Council (WBC) ug International Boxing Federation (IBF) welterweight belts.

Kahinumdoman nga naglinabayay og mainitong mga pulong sila si Crawford ug Spence Jr. sa social media ug gitataw ni Crawford nga pulos adunay kamatuoran ang iyang mga gipanulti niadtong higayuna.

“I was just speaking facts, and I wasn’t speaking any faulty news or anything. I mean, I was speaking all facts,” matod ni Crawford sa interbyu sa Fighthype.com.

“[My friend] saw that I was being irritated, and he grabbed my phone and he went Instagram live, and just let him do it. I was laughing. You saw how it went, and how it transpired on Twitter, and on how I was going to call him. So I called him up and we talked briefly.”

Gipasabot ni Crawford nga mohangop ra siya bisan kinsa ang iyang sunod nga makontra apan kon siya lang ang matuman, naa ra gyud nila ni Pacquiao o Crawford ang iyang kontrahon.

“Them are the two 1 and 2’s or the 2’s and 1’s or however you want to put it,” pasabot ni Crawford.

“Those are the fights that I want at this point in my career, because those are the fights that get me to the undisputed. So those are the fights that I really want in my career and are looking forward to. If I can’t get Spence, then I want Pacquiao or vice versa. It don’t matter. I would like them one after another.”

Alang lang Crawford, wala na’y laing mas mahinungdanong away kon dili ang batok kang Pacquiao o Crawford. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph