GIANDAM na sa kapulisan ang kasong pagsupak sa Republic Act 9165 kun Comprehensive Dangerous Drugs Act of 2002 aron mapasaka batok sa walo ka mga indibiduwal nga nakuhaan og gituohang shabu sa ilang gisakyan alas 5 sa hapon niadtong Sabado didto sa Task Force Davao checkpoint sa Brgy. Lacson, Calinan ning siyudad.
Ang Davao City Police Office (DCPO) nag-ila sa mga dinakpan nga sila Abolkaer Mangorangka Cabugatan, 48-anyos; Oden Cadato Buscan, 45-anyos; Jerry Gani Ali, 51-anyos; Lando Awad Ali, 50-anyos; Norlayla Esmail Dipatuan, 19-anyos; Eddie Awad Acop, 44-anyos; Mohammad Dilampaon Gubat, 32-anyos ug usa ka Rosalyn Sierbo Abdulgani, 40-anyos, kinsa pulos taga Lanao del Sur.
Mga suspek nakuhaan og motimbang sa 178.61 gramos nga gituohang shabu nga dunay street value nga P3 milyones.
Sakay sa usa ka Toyota Innova ang walo ka dinakpan nga gikan sa Lanao del Sur pasulod na unta sa siyudad.
Dihang migula nga dunay nakita ang mga personahe sa TF Davao nga druga, gilayong gitudlo sa unom ang usa ka alyas Abdulkaer nga usa sa mga sakay nga mao suma pa ang tag-iya sa mga druga, nga iya usab nga giangkon.
Mga dinakpan temporaryo nga gikustodiya sa Calinan Police Station. (Jeepy P. Compio)