PROBINSYA sa Sugbo mohatag og P5 milyones sa kagamhanan sa dakbayan sa Sugbo nga magamit alang sa Sinulog 2020.
Gibutyag ni Gobernador Gwendolyn Garcia nga ang pasi-unang P3 milyones nga gitunol sa Kapitolyo, mao ang ayuda nga ihatag unta sa miaging administrasyon sa Sinulog Foundation Inc.
“Apparently, the Provincial Board passed a resolution to grant a P3M request of the SFI mga some time June na, since it was the closing days of the previous administration so wala gyud to ma issuehi og cheque mao to nga we gave a go ahead nga ihatag to sa Sinulog foundation,” matod pa ni Garcia atol sa pakighinabi sa mga tigbalita.
Dugang ni Garcia nga posibleng idiretso niini ang ayuda sa dakbayan sa Sugbo nga alang niya mas labing nagkinahanglan. Samtang, malipayon nga gihangop ni Garcia ang pagsalmot ni Cebu City Mayor Edgardo Labella grand parade.
“More than anything else I think it is such a powerful symbol of hope for the Cebuanos, where the two leaders are together in a dance offering for our beloved Sto. Niño. I am really very grateful for Mayor Ed Labella for deciding to join us, I believe that was also his reason what that he saw what the symbol of unity this could be for all Cebuanos and even the entire country to appreciate,” matod ni Garcia. (ANV)