PHILIPPINE Drug Enforcement Ageny (PDEA) 7 molusad sa Oplan EcstaNo aron di makalusot ug mokatap ang party drugs ecstacy atol ning Sinulog.
Gipanglantawan sa PDEA 7 nga mosiaw ang party drugs ning panahon sa Sinulog tungod sa kadaghang mga kalingawan.
Matod ni PDEA 7 Regional Director Wardley Getalla nga sa pagkakaron, wa pa sila maka monitor nga dunay nangabot nga party drugs sa Sugbo.
Hugot nila kining bantayan pinaagi sa pag monitor sa mga pantalan ug tugpahanan sa Mactan pinaagi sa pag deploy og K9 units.
“Babantayan natin lahat, hindi lamang yung mga ating mga bars. Hindi lang yung mga party places, pati yung nagbebenta ng ecstacy at nagpapasok ng ecstacy dito sa Cebu gamit ang airport, seaport kasama sa babantayan natin,” matod ni Getalla.
Aduna nay organizers nga nakig-alayon kanila nga mohimog street party nga ilang hatagan og pagtagad.
Dugang ni Getalla nga nakig alayon na usab sila sa ubang mga ahensya sa gobyerno aron matabangan sila sa pag bantay sama sa Philippine National Police ug sa armadong kusog, lakip na ang Bureau of Fire Protection (BFP).
Katuyoan niini nga mamonitor ang mga balay kahilayan nga dayohon sa mga batan-on nga dunay kapabilidad sa pagpalit og party drugs.
Mag padala usab silag K9 units sa mga concert party nga mosimhot sa ipalusot sa party drugs.
Tulo ka matang sa ecstacy ang gi monitor karon sa PDEA.
Kini mao ang tabletas nga ecstacy, liquid ug ang labing bag-o mao ang crystal party drugs nga gihulagway ni Getalla nga makapatay sa tawo kon masobrahan sa pag-inom.
“Actually, mayron na ngayong crystal ecstacy. Nakita natin na nagkaroon ng seizure sa Manila. Itong crystal ecstacy mas potent to at mas mabilis ma absorb ng katawan. So, street name nyan ay mole at mas malakas ito sa ecstacy kaya usually nagkakaroon ng report ng mga kamatayan sa pagamit nito sa pagkat di nila na tatantya yung dosage dahil mas malakas ito,” pasabot ni Getalla.
Giangkon ni Getalla nga di nila masusi ang tanang mga tawo nga mosulod sa usa ka street party, ilabi na nga dili usab daghan ang ilang mga K9 units.
Busa iyang giawhag ang publiko nga abagan sila sa pagbantay. (AYB)