SUPERBALITA CEBU

15-anyos nakuhaan og P1.9M shabu

LALAKENG tinun-an sa grade 8 sa usa ka public high school sa dakbayan nasikop sa gilusad nga buy-bust operation sa Pardo Police Station ala 1:45, Lunes sa kaadlawon, Enero 14, 2020 sa sitio Sario, Barangay Bulacao, Siyudad sa Sugbo.

Nangulo sa operation si Police Major John Kareen Escober, hepe, uban sa iyang Drug Enforcement Unit (DEU) personnel.

Ang nasikop usa ka 15 anyos nga lalake, taga B. Aranas Extension, Barangay Duljo Fatima, Siyudad sa Sugbo.

Nakuha gikan sa menor de edad ang nagkalain-laing gidak-on sa putos sa gituohang shabu nga motimbang og 286.66 gramos nga mobalor og P1,949,288.

Matod ni Escober nga duha ka mga semana nila nga gipanid-an ang batan-on human migawas ang iyang ngalan nga nalambigit sa pagpayuhot sa illegal nga drugas.

Human masuta ang impormasyon, ila gilayong gilusad ang anti-drug operation.

Sa imbestigasyon sa kapulisan, nasayran nga gikan sa sulod sa bilangoan ang iyang contact.

Nadakpan na sa milabay nga tuig ang maguwang sa illegal nga drugas.

Nagtuo si Escober nga siya ang mihulip sa illegal nga negosyo sa iyang maguwang ug bayaw nga naa na sa Cebu City Jail.

Gitago lang una ni Escober ang ngalan sa igsuon sa batan-on sanglit aduna pay himuon nga follow up operation ang iyang mga sakop.

“Kining ang igsuon ani nadakpan na sometime last year nga nakuhaan og 700 grams. Unya ang bayaw ani naa na sa Kalunasan (Cebu City Jail) nya ang akong tan-aw ani mao ni ang tag-iya sa shabu,” matod ni Escober.

Nigawas ang ngalan sa menor de edad tungod kay sa mga nangadakpan, ilang gipang-trace ang mga contact sa cellular phone. Ang tanan nga nadakpan didto motumbok kaniya nga kuhaanan sa street level nga mga pusher sa Pardo.

Bisan sa iyang kabatan-on, gihulagway ni Escober nga beterano na kini sa pagpamaligya sa illegal nga drugas.

Gi-turnover hinuon nila sa Department of Social Welfare and Development ang dinakpan ug gitakdang pasakaan og kaso.

Adunay mga ngalan nga gibutyag ang suspek ug susihon sa kapulisan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph