SUPERBALITA CEBU

Sinulog coverage gi-exclusive

BISAN ang mga pribadong tawo nga motan-aw sa Sinulog Grand Parade sa Cebu City Sports Center (CCSC) gidid-an karon sa presidente sa Sinulog Foundation Inc., (SFI) nga mokuha og video o television footages atol sa maong celebrasyon.

Kini human nipahibawo si Pericles Dakay, sa SFI sa duha ka mga dagkong TV networks, ABS-CBN ug GMA-7, nga ang SFI adunay exclusive coverage agreement uban sa MyTV, Inc. alang sa exclusive rights sa pagkuha og video ug television footage sa Sinulog 2020 celebration labina diha sa grand stage sa Cebu City Sports Complex.

“MyTV, Inc. has the exclusive rights to take video and television footage of the Sinulog 2020 celebration, particularly at the grand stage at the Cebu City Sports Complex on the day of the event this coming January 19, 2020, to the exclusion of all other media, television, private persons and companies, unless otherwise allowed or with the consent of MyTV, Inc.,” kini ang unod sa suwat ni Dakay sa duha ka TV networks.

Tanang hangyo sa pagkuha, televise ug publish og video footages sa Sinulog 2020 celebration labina sa grand stage kinahanglan ipaagi kang Valeriano Avila, general manager sa MyTV.

Apan, giklaro ni Cebu City Mayor Edgardo Labella sa meeting niya sa mga representante sa duha ka TV networks ug sa MyTV Martes, Enero 14, 2020, nga libre rang mokober ang mga TV networks basta mobutang lang og “courtesy of MyTV.”

Nidugang ang mayor nga wala did-i ang publiko sa pagkuha og video atol Sinulog celebration sa CCSC.

Giklaro niya nga way problema ang coverage sa social media sanglit open man kini.

Si Jojo Labella, executive director sa SFI, niklaro usab nga TV rights kuon ang pagsibya sa telebisyon maoy ekslusibo nga gitugyan ngadto sa MyTV.

“What is exclusive to MyTV was the blow-by-blow or start to finish coverage sa SInulog 2020 sa Sports Complex,” dugang sa SFI executive director.

Matod pang Jojo pwede rang mokuha og video clips para sa ilang news reports ang GMA or ABS o mo-cover sila basta adunay “courtesy” nga tag. (MVG, PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph