NAGPATALA sa kapulisan sa Sta. Ana Police Station ang usa ka 18-anyos nga dalaga human siya gisundan sa lalaki ug gihasu-hasoan og kinatawo.
Alas 9:30 sa gabii niadtong Dominggo, Enero 12, nagpa-blotter sa Sta. Ana PNP ang usa ka Rufa Mae (bansagon gitago), 18-anyos, nag-renta og boarding house sa Ramon Magsaysay Avenue, Barangay 25-C, Poblacion, Davao City.
Saysay ni Rufa Mae nga dihang pauli na siya sa iyang gi-rentahan nga boarding house, gisunod-sunoran siya sa usa ka lalaki nga naka-hoodie jacket.
Pag-abot niya sa ilang pultahan, dugay pa niya kining naablihan, hinungdan nga nakahigayon ang lalaki nga mipakita sa iyang kinatawo ug gihasu-haso ngadto kaniya.
Sa maong hitabo, misiyagit ang babaye ug nakuha ang atensyon sa guwardiya nga naka-duty sa bangko duol sa iyang gipuy-an hinungdan nga kalit midagan ang lalaki.
Human sa hitabo, daling nagpa-blotter sa kapulisan ang maong babaye kinsa misaysay nga nalisang siya sa hitabo kay daw bukton sa bata ang kinatawo sa lalaki.
Ang maong pagpatala gihandos na sa kapulisan sa Barangay 25-C.