KON ganahan ka og unique nga food experience, adto sa Eats a Habit, usa ka restawran nga naa sa third floor sa Robinsons Galleria sa Cebu City.
Ang Eats a Habit dili lang alang sa mga meat lovers kon di sa mga vegan pud ug gusto mokaon og mga plant-based nga pagkaon.
Gawas sa bag-o o lahi nga pagkaon nga ilang gimugna sa Eats a Habit, “gidala” usab sa magtiayong tag-iya nga sila si Jessie ug Emma Bernad ang giingong “flavors and scents” sa ilahang hometown nga Dipolog.
“As you come into our restaurant, it’s not just the food that you are going to enjoy but the total experience,” matod ni Emma.
Sagad sa ingredients sa pagkaon sa Eats a Habit gikuha sa ilahang farm.
Matod ni Emma, ang Eats a Habit susama kini og hometown diner--personal nga giatiman sa mga tag-iya ug gidesinyo nga pangpamilya.
Usa sa angay nimo nga tilawan ang Tomahawk Chunks nga tag-P299 ra.
Makapili ka sa upat ka signature sauces: Barbeque, Buffalo, Chorizo Gravy, Mushroom Gravy, ug Jim Beam Honey Bourbon.
Alang sa mga vegan ug hilig sa plant-based diet, anaa ang Super Plant Bowl.
Aduna kini spinach, chick peas, carrots, tofu, turmeric garlic mais or brown rice ug farm spices. Presyo: P199.
Ug imo gyung tilawan ang Bihon Crispy Bacon and Tofu Noodles nga anaa sa Bilao.
Tag-P499 ang bilao ug 5-6 ka tawo ang makakaon.
Anaay P99 niini alang sa usa ka platohan.
Aduna usab sila’y Birthday Habit Treat. Kon mopalit og usa ka bilao sa birthday week nimo, makakuha ka og libre nga usa ka plato sa Bihon Crispy Bacon and Tofu noodles.
Tungod kay gidala sa magtiayon ang Dipolog dish sa Sugbo, dili mawagtang ang Spanish Sardines.
Tuod man aduna’y baligya nga Spanish Sardines sa resto: Spanish Sardines in Corn Oil nga tah-P129, Tomato Sauce-P129 ug Olive Oil nga nagkantidad og P169. Lakip sa ilang menu ang Breakfast, Pasta, Burgers, Sweets ug uban pa.
Gawas sa makakaon ka, makatabang pa ka tungod kay ang Eats a Habit nitabang sa operasyon sa duha ka bata nga adunay cleft lip ug cleft palete nga pasyente pinaagi sa pagdonar sa Smile Train.
“Your meal will support a child’s cleft surgery and care so he can eat, speak and work. Let’s create a Better World, one SMILE at a time,” base sa adbokasiya sa Eats a Habit.
Bisitaha na, Eats a Habit!