MIABOT ngadto sa unom ka adlaw ang nagkadaiyang kalihokan sa Kuyamis Festival 2020.
Nagsugod kini niadtong adlawng Lunes Enero 6 ug natapos niadtong adlawng Sabado sa petsa 11.
Puno sa kasadya ug daghang mga dagkong kalihokan ang gipahigayon.
Gitapos kini pinaagi sa usa ka awarding night ug pagpili sa Queen of MisOr niadtong adlawng Sabado.
Si Atty. Jeffrey Saclot ang Provincial Tourism Head dako og kalipay nga malampuson ang kalihokan.
Niadtong adlawng Lunes iyang gipaabot iyang dakong pasalamat sa mga tao luyo sa kalamposan niini.
“I’m overflowing with gratitude for the freshest success of the seventh Kuyamis Festival. To all the people behind it, words are not enough to let you know how grateful I am for helping the provincial government of Misamis Oriental stage this festivity in our province,” pasiuna ni Saclot.
Gipaabot sab niini nga ang Kuyamis Festival nga kalihokan naghatod og daghang kita sa mga mamaligyaay sa lalawigan lakip sa siyudad nga giiingon niining mao kanunay ang prayoridad ni Governor Bambi Emano nga makahatag kinitaan kanila.
Naghangyo lamang si Saclot nga unta ang pipila molambigit na niini nga kalihokan tungod kay kini dili lang kalamposan sa ilang buhatan apan sa tibouk lalawigan nga maila kini sa kalibutan.
Sa iyang bahin si Governor Emano niingon nga ang Kuyamis Festival daw sama sa ginamos nga sa pagdugay niini nagkalami ug nagkamawos.
Gipaabot sab niini nga kung kaniadto gatoo ang taga laing lugar nga gubot ang Mindanao apan daw kung makasuroy sa lalawigan ilang mahibaloan nga dunay probinsya nga labihan ka malinawon.