SUPERBALITA CAGAYAN DE ORO

Wala nay N95 mask sa Oro?

SUTAON sa tsirman sa komitiba sa trade and commerce ang suplay ug presyo sa giingong N95 mask tungod kay nasutang nihit kaayo ug taas ang presyo niini human sa pagbusikad sa bulkang Taal sa Batangas.

Ang N95 mask usa ka respiratory protective device nga gidensiyo diha sa epektibong pagsala sa mga airborne particles tungod kay hugot usab kini kumpara sa mga ordinaryong facial mask.

Human sa pagbusikad sa maong bulkan ug sa ash fall niini rason nga nitaas ang panginahanglanon sa maong mask.

Sa pakighinabi kang tsirman sa Trade and Commerce nga si Konsehal George Goking gibutyag niini nga nihit na bisan dinhi sa dakbayan ang maong mask.

“I think apilon pud nako na sa trade and commerce kanang supply on mask kay kita karon kita na basig ma problema nahurot na ang mask,” matud ni Goking.

Gidugang pa niini nga sutaon usab ang presyo tungod kay namatikdang grabe ang pagtaas.

“Before ang presyo is napulo ka buok P128 karon P200 ang usa, overprice gihapon kana igo gihapon sila,” dugang niini.

Kahinumdoman nga nagbahad si Presidente Rodrigo Duterte nga sudlon sa mga otoridad ang mga negosyante nga posibleng nagtago niini nga mga mask ug buot mag-set og presyo niini.

Nagpasalig usab kini nga mohatag og libreng mask ang gobyerno ilabi na sa mga dili makapalit tungod sa giingong overpricing.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph