SUPERBALITA CAGAYAN DE ORO

Lalaki patay sa police operation

PATAY ang usa ka lalaki nga suspetado pagpamaligya og armas ug ilegal nga druga human gikatahong unang namusil sa kapulisan atol sa operasiyon niadtong Enero 14 mga alas 2 sa kaadlawon sa Bolonsori, Camaman-an, dakbayan sa Cagayan de Oro.

Tulo ka mga samad pinusilan ang naangkon ni Klyd Jun Bryan Llamis, 31, ulitawo, taga Zone 4, Bulua, Cagayan de Oro.

Kanhi na napriso si Llamis ug nakagawas pinaagi sa programa nga plea bargaining. Sa pakighinabi sa SunStar Superbalita kang Police Captain Ernesto Sanchez, hepe sa Police Station 2 sa Cogon nga Directorate for Intelligence listed (DI listed) si Llamis.

“Nakagawas niya siya kadtong 2019, tapos namaligya, doble kara namaligya’g armas ug 9165, murag transporter ni siya,” matud ni Sanchez.

Gidugang pa niini nga atol sa ilang drug bust operation nakamatikod si Llamis nga operatiba ang iyang nakatransak rason nga nibunot sa iyang armas nga niresulta sa pinusilay.

“Upon sensing sa suspect nga iyang ka transaction is operatiba nibunot siya sa iyang .45 didto dayon ang arm confrontation which resulted sa iyang kamatayon,” dugang niini.

Giingong atol sa pagdala niini sa ospital nakuha pa ang anaa sa 60 gramo sa shabu nga gibanabanang anaa sa kantidad nga P420,000.

Nakuha usab sa Soco team sa pagpangulo ni Police Lieutenant Romeo Adlaon Jr. sa crime scene ang Colt 45 m1911 nga dunay serial No. 561648, metal jacket (fragment), usa ka fired cartridge sa caliber.45, usa ka fired cartridge sa caliber 9mm, ug laing usa ka fired cartridge sa caliber 9m pinahecovered during final search of the crime scene.

Kahinumduman nga nagpahigayon og joint operation ang kapulisan sa Regional Special Operations Unit-North Mindanao kauban ang kapulisan sa Cogon ug napalitan si Llamis og armas nga .357 caliber nga kargado og lima ka buhing mga bala sa kantidad nga P3,000.

Kasamtangang anaa sa morgue sa Northern Mindanao Medical Center ang patay nga lawas ni Llamis.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph