SUPERBALITA CEBU

Lalake gipusil-patay sa Barangay Pit-os, 'gitulis'

CEBU. Padayon pang giila sa kapulisan ang usa ka lalake nga napalgang patay sa Sitio Upper Centro, Barangay Pit-os, Dakbayan sa Sugbo. (Hulagway iya sa Talamban Police Station)

TULIS ang gitan-aw nga motibo sa pagpusilpatay sa usa ka lalake niadtong Martes sa gabii, Enero 14, sa sitio Upper Centro, Barangay Pit-os sa siyudad sa Sugbo.

Matod ni Police Corporal Michael Angelo Singson, imbestigador sa Talamban Police Station, nga wala nay butang nga ilang nakuha sa lawas sa biktima bisan ang iyang sapatos ug sinina gikuha usab.

Nakaangkon og siyam ka mga samad pinusilan sa nagkadaiyang bahin sa lawas ang biktima ug sa ulo niini nga maoy hinungdan sa hinanali niini nga kamatayon.

“Akong naihap didto sa punerarya mga siyam ka igo sa iyang lawas kadaghan, naa sa ulo, liog, nawong , lawas tiil ug buko-buko. Giseguro gyud siya pagpatay sa suspek,” matod ni Police Corporal Michael Angelo Singson.

Dili pa usab maka tumbok si Singson kung gi salvage ba ang biktima tungod kay wala pa silay pangalan niini.

Nagtuo sila nga ang pagtaptap sa nawong aron dili makakita kung asa siya dalhon.

Hangtod ning pagsuwat padayon pang giila sa kapulisan ang pangalan sa biktima nga naa karon sa usa ka punerarya sa siyudad sa Mandaue.

Ang bikima napalgan alas 11 sa gabii niadtong Martes, Enero 14, nga adunay daghang pinusilan sa lawas ug gitaptapan ang nawong niini.

Usa ka concerned citizen ang mipahibawo sa Talamban police staion nga adunay tawo nga napalgangbpatay sa maong lugar.

Wala nganli sa Talamban police station ang maong concerned citizen nga nagpuyo ra usab duol sa dapit diin napalgan ang pataybg lawas sa biktima mibutyag, diin kini nakadungog og buto sa armas.

Sa iyang pag gawas iyang nakita ang biktima nga nag buy-od na ug aduna nay daghang pinusilan sa lawas.

Gibanabana sa kapulisan ang biktima nga 30 anyos nga adunay tattoo sa tuong bukton nga design og kasingkasing ug dahon. Nagsul-ob og short pants nga adunay maroon ug itom nga kombinasyon ang kolor niini.

Nanawagan ang kapulisan sa publiko nga kung kinsa man ang adunay miyembro sa pamilya nga wala maka uli sukad niadtong Martes sa gabii mahimo sila nga mobisita sa Rolling Hills Funeral Homes nga nga gipahiluna ang lawas sa namaay nga lalake. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph