SUPERBALITA DAVAO

Mekaniko gibuk-an og agtang

(Hulagway kuha ni Edgar E. Fuerzas)

BUAK ang agtang sa usa ka mekaniko human gipusil alas 11:30 sa buntag niadtong Martes, Enero 14, didto sa Midsayap, North Cotabato.

Giila ang biktima nga si Anthony Bediot Catubig, 37, minyo ug mekaniko sa Mitsukoshi Philippines, Inc. ug nagpuyo sa Brgy. Poblacion 8, Midsayap.

Gibutyag ni Midsayap Chief of Police, Lieutenant Colonel John Miridel Calinga nga samtang nagtindog ang biktima sa iyang gi-trabahoan sa maong barangay kalit lang nahiabot ang tulo ka wala mailhing tawo kon diin usa niini ang namusil sa mekaniko gamit ang kalibre .45 nga pistola.

Human sa hitabo, abtik nga miikyas ang mga suspek sakay sa motorsiklo paingon sa hilit nga dapit sa Midsayap.

Gisapupo ang biktima sa mga nagresponde nga mga sakop sa Barangay Peacekeeping Action Team (BPAT) ug gidala ngadto sa Midsayap Community Doctors Hospital apan gideklara sa mga doktor nga dead on arrival.

Nakaangkon og samad pinusilan sa agtang ug dughan si Catubig nga maoy hinungdan sa kamatayon niini.

Bag-o gipatay ang biktima, giingong kanhi na siya nalambigit sa pagpayuhot og gidiling druga.

Hinuon, kapulisan sa Midsayap Municipal Police Station padayon nga nag-imbestiga sa pagpamusil patay sa biktima. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph