WALO ka mga dump truck sa lokal nga kagamhanan sa Davao City karga ang 5,000 food packs ang mibiyahe padung sa batangas city aron i-apud-apod sa mga pamilya nga naapektuhan sa pagbuto sa Bulkang Taal.
Kagahapon sa buntag, nanukad ang walo ka mga truck nga puno sa mga pagkaon didto sa Task Force Davao Headquarters sa pantalan sa Sta. Ana.
Sumala sa City Information Office (CIO) sa siyudad nga ang TF-Davao sa panguna ni Commander Colonel Consolito Yecla, ang natahasan nga mo-apod sa mga food packs.
"While it may take days to reach its destination since the task group has to travel the winding roads of the three main islands
and has to cross the seas twice, the Task Force Oplan “Tabang” organized by City Mayor Inday Sara Duterte hopes to ease the suffering of the evacuees," ingon ni Yecla.
Sa Biyernes, Enero 17 nakatakda nga moabot sa Batangas sa lugar sa Sto. Tomas, Tanauan, ug Calaca ang walo ka mga truck sa Davao City nga dunay dala nga mga pagkaon.
Gilauman sab nga sa Enero 20 makabalik ang mga personahe sa TF-Davao ngari sa dakbayan.
Nanawagan sab ang lokal nga kagamhanan ning siyudad sa buot modonar og mga relief goods diin dalhon lamang kini sa TF-Davao headquarters. (Jeepy P. Compio)