SI Sydney Tancontian sa Davao City, nga bag-uhay lang napili nga usa sa miyembro sa Athletes Commission of International Sambo Fédération (Fias) 2020 ngadto 2024, misaad nga mas maningkamot pa's kaugalingon sa iyang mga duwa sa nagkadaiyang torneyo karon nga tuig.
Ang 19-anyos nga University of Santo Tomas (UST) Sports Wellness and Management college freshman, nga milangkat og bronze medal sa 30th Southeast Asian (SEA) Games 2019 women’s kurash event, miyagyag niini atol sa Davao Sportswriters Association (DSA) Forum sa The Annex sa SM City Davao.
“I will train harder,” suma niya.
Mopakita og aksiyon si Tancontian sa Sambo World Sambo Cup, Marso 20 ngadto 22 sa Moscow, Russia; World Beach Sambo Championships sa Abril 24-26 sa Cyprus; Asian Sambo Championships sa Hunyo 19-21 sa Bali, Indonesia; World Youth and Junior Sambo Championships; ug World Senior Sambo Championships ug Sambo Grand Prix.
Apan tungod mobalik siya og eskwela karon nga semester, suma niya, han-ayon niya og maayo ang iyang iskedyul alang sa training, kompetisyon ug klase.
“Last year kasi maraming travel (competitions) abroad. Start na ang school, adjust ulit ako, nanibago pa ako. Aayusin ko sked,” ni Tancontian.
Niya, malipayon kaayo siyang mahimong parte sa Fias 2020 ngadto 2024.
“Very honored po and masaya kasi magkakaroon po ako ng chance na maging voice po ng sambo athletes aside sa pagiging athlete po.”
Ang botasyon gihimo atol sa World Sambo Championship diin tanang sambo players misalamot. (MLSA)