SUPERBALITA DAVAO

5 ka pusher sa Davao nasignit sa kapulisan

DAVAO. Nagminghoy ang lima ka mga suspek human sila nasikop sa operatiba sa talomo police station atol sa gikasa nga buy-bust operation niadtong lunes didto sa brgy 22-c Piapi Boulevard, Davao City. (Hulagway gipaambit sa DCPO)

LUYO sa panganti sa Davao City Police Office (DCPO) nga ila gayod nga hutdon og panakop ang mga nalambigit sa gidili nga druga, lima ka mga gituohang drug pusher ang nasignit sa Talomo Police Station alas 11:15 sa gabii niadtong Lunes, Enero 13, didto sa Brgy 22-C Piapi Boulevard, Davao City.

Mismong si PLtCol. Ronald Lao, hepe sa Talomo PNP ang nag-ila sa mga dinakpan nga sila Peter Paul V. Viñas alyas Puding, 39-anyos, minyo; Kristine Joy Castañeda Estrada, 33-anyos, dalaga, pulos taga Brgy. 22-C; Bryan Batulanon Dalumpines, 34-anyos, nagpuyo sa Cogon, Digos, Davao del Sur; Marlon Bacus Calungsod, 35-anyos, residente sa Fatima Village, Matina, Davao City; ug si Roland Camacho Florin, 43-anyos, taga Brgy. 22-C, Piapi.

Sumala ni Lao nga target sa ilang operasyon sila Viñas ug Estrada diin atol sa operasyon anaa sab ang tulo ka suspetsado nga gituohang mga kaubanan sa duha.

Tulo ka mga pakite sa gituohang shabu nga mokantidad og P5,000 ug mga drug parahpernalia ang nakuha sa posisyon sa mga dinakpan.

"These people were formerly subjects in our Tokhang operations, however, they were hostile and still monitored engaging in illegal drug transactions. That is why they are already being subjected to this police operation," ingon ni Lao kinsa ang pangalan sa mga nahisgutan anaa na ubos sa Directorate for Intelligence Drugs Watchlist.

Mga nahisgutan temporaryo nga gipangkustodiya sa Talomo PNP samtang giandam na ang kaso nga ipasaka kanila didto sa korte. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph