SUPERBALITA DAVAO

Nabiyaan nga nilung-ag niabo og 90 panimalay

DAVAO. Nagtapok ang mga molupyo sa Barangay 5-A Bankerohan sa Davao City daplin sa Davao River samtang gilamoy sa dakong kalayo ang ilang mga balay kagahapon sa buntag. (Hulagway kuha ni Macky Lim)



MOIHAP sa dul-an 50 ka mga pamilya ang nawad-an og kapuy-an human gilamoy sa kalayo ang ilang balay alas 10:30 kagahapon sa buntag, Enero 15, didto sa Purok 2, Bryco, Barangay 5-A, Bankerohan, Davao City.

Sa kasamtangan, ang Bureau of Fire Protection (BFP) Bangoy District padayong naghimo og imbestigasyon aron masayran unsay hinungdan sa kalayo.

Apan suma sa usa ka residente nga nabiyaan nga linuto nga dunay daghang baga sa kalan ang hinungdan sa kalayo nga misangko sa sunog.

Sanglit gama sa kahoy ang sagad mga balay sa dapit, daling mikanit ang kalayo sa mga kasikbit nga kabalayan ug milamoy sa mga barong-barong kilid sa Davao River sa Gevornor Generoso Bridge sa Bankerohan.

Miabot sa ikatulong alarma ang maong sunog diin gideklarang fire-out alas 12:45 sa udto.

Hinuon walay namatay sa hitabo apan dunay pipila nga nasamdan gumikan sa kalit nga pagpangsalbar sa mga gamit.

Sumala ni Brgy. 5-A, Kagawad Gege Mata nga ilang gipahiluna ang mga biktima sa Bankerohan Gym, ug hayan magamit niini ang mga lawak sa project hope sa maong barangay.

Sa inisyal nga talaan sa BFP-Bangoy Fire department anaa sa 90 ka mga balay ang naugdaw diin ang ihap sa mga pamilya padayong gina-validate sa City Social Services and Development Office (CSSDO).

"Mohimo dayon kita og community cooking uban sa pag-abag sa CSSDO pinaagi sa mobile kitchen aron atong madalitan og pagkaon ang mga biktima sa sunog," sulti ni Kagawad Mata sa pakighinabi sa mga tigbalita kagahapon sa hapon.

Ang kabomberohan nagpahimangno sa katawhan nga makanunayon ang pag-igmat, labi na ang mga baga sa kalan, ug ang mga wala maibot nga appliances ingon man ang nagsiga nga kandila aron malikayan ang insidente sa sunog. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph