SUPERBALITA CEBU

Balay-Balay, Tubig-Tubig: 8 anyos bawion sa mama

AKO si Wyna. Ang akong suliran mao kini nga naa koy anak nga babae sa usa ka pulis nga minyo. Kahibalo ko nga dako kini nga sala, dili lamang sa mata sa balaod, samot na gayud sa mata sa Ginoo.

Kahibalo sad ko nga daghan ang naghusga kanako kung unsa ko nga klase sa babaye. Pero parehas sa uban diha nga mga babaye, nihigugma lang sad ko.

Ang nakasayop lang nako kay minyo pa gyud ang napilian sa akong kasing-kasing.

Bisan pa man sa ingon, gihigugma nako ang amahan sa akong anak labi na ang akong anak.

Bisan unsa kadako sa akong gugma sa amahan sa akong anak, nagpalayo ko niya og kauban ang among anak. Nagpuyo mi sa kalinaw sa dihang kalit nga gikuha ang akong anak sa iyang amahan.

Ang iyang giingon mao nga huwaman ra niya ang akong anak og dalaon niya sa sugbo.

Ug sa dihang kuhaon na nako akong anak, dili na gyud siya magpakita kanako. Nagsige ko og tawag niya pero di gyud siya mo-reply.

Ako siyang gianhi sa sugbo ug giadto sa police station kung asa siya na assign pero di gyud siya magpakita.

Nahibaw-an na lang nako nga nag skwela ang akong anak sa usa ka pribado nga eskwelahan. Nalipay unta ko kay nindot ang kahimtang sa akong anak kay nindot iyang skwelahan pero dako ang kasakit nga akong natagamtaman dihang nakahibalo ko nga wala gibutang ang akong pangalan isip ginikanan sa akong anak.

Sa mubo nga istorya, dili ko pwede moduol sa akong anak.

Mao ni akong suliran kay di na nuon ko kaduol sa akong anak bisan man lang pag storya.

Ang akong pangutana Atty. Joan, mamahimo bang bawion nako ang akong anak isip iyang inahan unya nagpangidaron na siya og otso anyos gikan sa poder sa iyang amahan? Palihug tambagi ko Atty. Joan, kay sakit gyud kayo ang akong kahimtang.

Imong magtatampo,

Wyna

Dear Wyna,

Una sa tanan maayong adlaw usab nimo diha Wyna ug salamat sa imong kanunay nga pagsunod niining lindog.

Basi sa balaod, kinahanglan ka mupasaka og kaso nga custody sa atong korte aron mahibaw-on gayud nato kung kinsa ang mas naai katungod nga hatagan og custody sa inyong anak.

Mahitungod kini kay illegitimate inyong anak. Tungod kay gihatag sa balaod ngadto sa inahan ang custody sa bata nga nagpangidaron og syete anyos paubos lamang.

Ang balaod ni presume nga gipili sa bata ang inahan. Pero mawala na kini nga presumption kung nilapas na sa syete anyos ang bata.

Daghang salamat Wyna sa imong sulat tampo ug hinaot nakahupay ang maong tambag sa naghuot mo karon nga galamhan.

Imong Alagad,

Atty. Joan


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph