SUPERBALITA CEBU

Barangay konsehal, 2 ka kauban sikop

INAY k-abag sa kapulisan sa pagsumpo sa illegal drug sa ilang barangay, apan utro sab diay mga badlungon sa dihang barangay konsehal ug duha ka sakop sa Barangay Peacekeeping Action Team (BPATs) sa Mabini, lungsod sa Poro, isla sa Camotes, Sugbo ang nangadakpan atol sa buy-bust sa kapulisan.

Gi-ila nig PLt. Jose Ruel Nalzaro, hepe sa Poro Police Station mi-ila sa mga nadakpang barangay opisyal mao sila si: Reynalito “Isot” Garciano, 42, barangay konsehal sa Barangay Mabini; Felito ‘Bimbo’ Garciano, 49, BPATs sa Barangay Eastern Poblacion; ug Irene Glenn ‘Opaw’ Garciano, 31, BPATs sa Barangay Mabini.

Nasuta nga ang tulo ka mga Garciano mag-agaw.

Ang maong mga dinakpan kabahin sa lima ka tawo nga nadakpan sa gihimong sunod-sunod nga anti-drug operation niadtong Lunes, Enero 13 sa maong lungsod.

Nipadayag og pagmahay si Nalzaro sa dihang naa ra diay sa han-ay sa barangay ang mga violator.

“Ako gikalagutan kay bag-o pa ni sila (Irene ug Felito) sa BPATs isip representative sa ilang barangay, mao niy ilang ibawos nako?” chat message ni Nalzaro sa Superbalita Cebu ingon sa na-insulto sa gihimo sa maong mga opisyal.

Nakuhaan ang maong mga dinakpan ug siyam ka mga gagmayng pakete nga adunay sud nga gituohang shabu atol sa gihimong buy-bust.

Samtang, laing dinakpan sa linaing operasyon mao sila si: Erwin Donaire, 48, nga taga-dakbayan sa Sugbo apan nasikop sa Barangay San Jose, Poro ug Clint Japay, 23, tinun-an nga nasikop sa Barangay Libertad, pulos nakuhaan og ebidensiya. (FVQ)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph