SUPERBALITA CEBU

14 ka pulis nanugal, nanud og bar gikiha

GIPASAKAAN og mga kasong administratiba ang 14 ka mga pulis sa Central Visayas nga naatlan sa mga sakop sa Integrity Monitoring Enforcement Group Visayas Field Unit nga nanugal sa mga pasugalan ug nanulod sa mga balay kahilayan.

Una nang nimando si President Rodrigo Duterte pagdili sa tanang mga trabahante sa gobyerno sa pagpanugal ug pag-inom sa mga publikong lugar. Tungod niini, ang Camp Crame niumol og unit nga maoy mo-monitor sa mga pulis nga nakalapas sa maong kamandoan.

Matod ni Police Captain Neon Francis Alvarez, provincial officer sa IMEG Visayas, nga ang 14 ka mga pulis nakuhaan og hulagway ug video nga nag-inom ug nanugal sa mga pasugalan.

Wa lang una nganli sa IMEG ang maong mga pulis samtang nagpadayon pa ang pagdungog sa ilang mga kaso.

Kasagaran sa maong mga pulis nadestino sa dakbayan sa Sugbo, Cebu Provincial Police Office, Mandaue City ug Lapu-Lapu City.

Ang IMEG nakadawat usab og mga reklamo gikan sa mga concerned citizen nga ilang nakita ang mga pulis nga masulod sa mga balay kahilayan, diin sila na usab mismo ang mikuha sa mga hulagway nga gihatag ngadto sa ilang opisina.

Ang ilang labaw sa IMEG nga si Police Colonel Ronald Lee, kanhi chief of staff sa Police Regional Office 7 panahon ni Police Brigadier General Debold Sinas, kanunay nga mimando kanila nga bantayan ang mga badlungong pulis sa Central Visayas.

Usa sa mga opisyal sa IMEG nga nahinabi sa Superbalita Cebu nibutyag nga kasagaran sa mga pulis nga mosulod sa mga pasugalan ug manugal og dinagko dako ang posibilidad nga gikan sa illegal ang kwarta nga gipusta.

Awhag sa IMEG sa publiko nga mo-report gilayon sa ilang buhatan kon adunay mamatikdan nga pulis nga misulod sa mga pasugalan ug mga imnanan.

Mahimo sila nga motawag sa 09480549229 ug 09951433056. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph