SUPERBALITA CEBU

Exclusive rights sa MyTV gikanselar sa mayor

GIKANSELAR ni Mayor Edgardo Labella ang eksklusibo nga katungod sa MyTV nga maoy makasibya sa Sinulog grand parade karong Enero, 19, 2020 sa Cebu City Sports Center.

Ang desisyon ni Labella nagagumikan sa panawagan sa katawhan ug wa niya pagkahibawo sa kontrata nga gisudlan sa Sinulog Foundation Inc. (SFI), ug ang pagbisita ni Presidente Rodrigo Duterte nga angay tutukan sa tananag media outlet.

“Through our representation, they will not implement the exclusivity contract between the Sinulog Foundation Inc.and the MyTV Inc. In other words, it is now open to all. All media outlets and whoever regardless of your media affiliation, you are all allowed to have access to cover the Sinulog Grand Parade 2020,”pahibawo ni sa iyang gipatawag nga press conference.

Ang mayor niingon nga nag-estorya sila ni Pericles Dakay, presidente sa SFI, labot sa gisudlan nga kontrata sanglit ang mayor wa mapahibawo dihang ila pang giplano.

“As mayor and chairman sa Sinulog Governing Board, wala ko kahibawo because this was a contract and entered into by SFI and Bobit Avila. I don’t have any hand on this. But when I learned about that, there was an exclusivity contract unya nadunggan sad nako ang reklamo sa katawhan. Akong tan-aw kinahanglan gyud that I have to come in as mayor and that contract should not be implemented,”matod ni Labella.

Ang mayor niingon nga sa pagkamugna sa Sinulog Board, naapil sa provision sa orihinal nga executive order ang pag-review ug pag-approve sa mga resolution ug action sa SFI.

Ang maong kontrobersiya di unta mahitabo sanglit di siya mosugot.

Apan wa makauyon niadto si Vice Mayor Michael Rama hinungdan nga gitangtang ni City Administrator Floro Casas Jr..

Paglabay sa dul-an usa ka buwan, si Rama kinsa chairman sa SFI, ni-resign sa iyang posisyon.

Nagpasalamat

Si Labella nagpasalamat usab kang Avila, kinsa tag-iya sa MyTV nga cable channel, gumikan sa iyang pagsabot sa iyang nahimong hukom.

Giklaro ni Avila nga ang exclusive contract para ma-did-an ang laing mga TV networks ug ang publiko mahimo ra nga makahimo sa ilang live videos.

Ang MyTV wa na nikuha sa ilang gibayad nga P800,000 para unta sa exclusive rights sa pagsibya, apan nahimo na sila karon isip usa sa mga major sponsor sa Sinulog sanglit wa gikanselar ang ilang kontrata.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph