LABING unang higayon nga gihatagan og tsansa sa Provincial Government sa Misamis Oriental nga makarampa ang mga binuhing iro kini atol sa labing unang Kuyamis Dog Congress.
Nagkalain laing breed sa iro ang mirampa uban sa ilang mga tag-iya niini sul-ob ang pila ka mardi-gras attire ug nirampa sa Provincial Capitol grounds kung asa gibutangan runway.
Kini nga kalihokan gipangunahan sa Responsible Association of Siberian Husky (KRASH) ug gitambongan sa 50 ka partisipante ug 13 kanila nag compete sa Dog Fashion Festival.
“Actually, na tay mga dog fun match but this is the first time nga Dog Fashion Festival,” matud ni Provincial Veterinarian Benjamin Resma ug midugang nga kini ilang gihimo tungod kay si Misamis Oriental Governor Bambi Emano bout nga mahimong responsable ang mga pet owners.
“Gihimo nato ni tungod gusto ni Governor Bambi na to create awareness sa responsible pet owner kay kun makita nimo, ang tanan nga nag participate nga mga dog mga maayo’g itsura, gwapo, dagko. So diha nato mapakita sa katawhan kun unsaon pag areglar sa atong binuhi nga iro,” pasabot niini.
Ang mga mananaog nakadawat og premyo nga P3,000, P2,000, ug P1,000; trophy ug mga sako sa dog food ug laing produkto.
Dugang ni Resma nga dili na gahuna huna kining mga handler nga gamay lang ang premyo apan ang importante kanila malingaw ug marampa ilang mga gwapo nga iro.
Si Marielle Reyes ug iyang puti nga Siberian Husky Pia ang midaog sul ob ang kombinasyon nga yellow, black ug green nga attire maorag konsepto sa Maleficent.
Si Romer Seno ang vice president sa KRASH nagpaabot sa iyang pasalamat kang Emano tungod sa malampuson nga dog congress.
Laumang dili lang kini ang unang higayon nga ipahigayon apan sunod pang Kuyamis Festival lakip na kini sa aktibidades.
Mas lingaw ug mas daghang premyo ang mahatag.