ANAA na sa pagkadugta ang patay nga lawas sa usa ka drayber human napalgan niadtong Enero 15 mga alas 9:15 diha sa San Isidro, Barangay Lapasan, ning siyudad sa Cagayan de Oro.
Patay nga napalgan ang patay nga lawas nga giila nga si Jimmy Magdugo Jr., 53, minyo ug usa ka pedicab driver.
Sa report gikan sa Police Station 3 (PS3) sa Agora giingong napalgan nalang nga naghayang ang maong patay nga lawas ug anaa na sa pagkadugta.
Gibutyag sa asawa nga dunay gihambing nga balatian ang nahisgutang biktima ug walay nakitang sinyales ang kapulisan nga gipanamastamasan kini.
Aron masiguro ug mawala ang pagduda sa pamilya sa biktima gitambagan nga ipailalom sa otopsiya ang patay nga lawas.