SUPERBALITA CAGAYAN DE ORO

Babaye gihikot ang liog sa manibela, patay

CAGAYAN DE ORO. Gikuha sa mga trabahahnte sa usa ka punerarya ning siyudad sa Cagayan de Oro ang patayng lawas sa usa ka babaye nga napalgang gihikot ang liog sa manibela sa wing van sa dalan Jasmin, Barangay Carmen ning siyudad sa Cagayan de Oro. (Hulagway kuha ni Kris C. Sialana)



BAKUS ang gihikot sa liog sa usa ka babaye ngadto sa manibela sa usa ka sakyanan nga nakaparada sa dalan Jasmin, Barangay Carmen ning siyudad sa Cagayan de Oro kagahapon, Enero 16.

Ang biktima naila nga mao si Ritchel Culanag Gonzales, taga Valencia City, Bukidnon kinsa nadiskobre nga wala nay kinabuhi sa frontseat nga bahin sa wing van nga dunay numero sa plaka nga KWA-857.

Samtang gipangita karon ang kaipon sa babaye nga nailang si Danilo Torbilaas nga taga Valencia, Bukidnon.

Sa inisyal nga imbestigasiyon sa kapulisan uban sa Scene of the Crimes Operatives (Soco) gibutyag ni Police Major Jelises Teves, hepe sa Police Station 4 (PS4) sa Carmen, nga person of interest karong panahona si Torbilaas human wala na nagpakita sukad nilakaw mga alas 2:00 sa kaadlawon kagahapon, Enero 16, aron mopalit og kape.

Gibutyag usab nga giingong nag-away ang mag-live-in nianang gabii sa wala pa napalgang patay ang babaye.

Base usab sa nakasaksi nga ulahing nadunggan sa kaubang mga driver nga nisinggit ang babaye ug niingon nga dili na niya makaya.

Alang sa kapolisan lisud masulti kong kini naghikog tungod kay nidapat man ang lawas niini sa salog sa van.

Narekober usab ang giingong alkansiya sulod sa sling bag nga gituohang gipanag-iyahan sa babaye nga dunay nakasulat nga Cheche Gonzalez lakip ang cellular phone nga dunay nag-text nga ngalang Danny nga nag-ingon nga nganong naghikog.

Una naglisud ang kapulisan pag-ila sa biktima apan human sa pipila ka mga oras gikumpirma sa nagpa-ilang ig-agaw ang identipikasyon niini.

Daghan nga angulo ang gilantaw sa kapulisan sama sa gipatay o naghikog ba ang biktima apan ilang gitambag nga mapaubos kini sa autopsy.

Nanawagan usab ang mga otoridad sa giingong kaipon niini nga mopatim-aw aron matubag ang mga pagduda.

Kung mapamatud-an nga gipatay ang biktima posibleng mag-atubang og kasong murder ang kaipon niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph