DILI matukib ang kalipay sa gatosan ka mga estudyante, ginikanan ug mga maestra sa Fortaliza Elementary School sa lungsod sa Tuburan sa dihang ang tinuig nga Pamaskong Handog sa grupong Syntrofia sa ilang lugar gipahigayon.
Matag tuig, ang grupo ni Feliculo “GSMES Double Delta” Lecciones, Jr., mopahigayon og Christmas party sa ilang mapili nga eskwelahan sa kabukiran diin mag-andam sila ug mga pagkaon, ice cream, mga ginagmay apan kinasingkasing nga mga regalo sa matag estudyante.
Niadtong Disyembre 15, 2019 ang iyang grupo miadto sa amihanang silangan alang ning maong proyekto. Hamubong programa nga may sayaw ug awit gikan sa mga estudyante ug maestra ug maingon man ang partisipasyon sa ilang purok members.
Atol sa maong kalihukan, gawas sa mga magtutudlo sa Fortaliza Elementary School nga gipangulohan sa ilang principal nga si Rufo Ito, mitambong usab ang ubang representante gikan sa mga lainlaing tunghaan sa Tuburan nga sila si Junrey Armecin, Hana Merie Luyao ug Regina Ronario.
Diha usab ang barangay kapitan sa Fortaliza nga si Fernando Cundiman uban sa iyang konsehal nga si Inocencio Requizo nga maoy malampuson nga nagdala sa Syntrofia sa Tuburan sector. (PR)