DUHA ka mga managsuon nangadakpan sa kapulisan sa lungsod sa Dumanjug sa Huwebes sa buntag, Enero 16, 2020, nga wanted sa mga kasong lugos.
Si Police Major Ardiolito Cabagnot, hepe sa kapulisan sa lungsod, ni-serve sa warrant of arrest nga giluwatan ni Judge Bernardito Malabago sa Branch 60 sa lungsod sa Barili sa kaso nga pagpanglugos batok sa managsuong Wolverine Kyle, 19, ug Kyle Antunios Pumar, 18.
Ang managsuon mga suspek sa pag gang rape sa usa ka menor nga babaye niadtong Nobiyembre 2017.
Ang magsuon mga menor de edad pa niadtong higayuna.
Si Wolverine Kyle nadakpan alas 8 sa Huwebes sa buntag sa Barangay Ilaya, lungsod sa Dumanjug samtang ang manghod nga si Kyle Antonius, nasikop amga 30 minutos ang nakalabay sa Barangay sa Poblacion sa maong lungsod.
Giingong ang managsuong Pumar kuyog sa laing upat ning-imbitar sa ilang classmae nga babaye sa ilang balay aron mag-inom.
Apan dihang sila nangahubog na, ang mga suspek giingong ning-gang rape sa babaye.
Unang nadakpan si Ain Mark Villalon, kinsa nitahan nitahan human malutsi og warrant of arrest ug mipyansa alang sa iyang kagawasan.
Samtang ang kapulisan padayon pang nangita sa mga suspek nga giilang sila si Earl Christian Sta Ana, Clark Eric Dela Peña ug Facid Pumar, pulos na mga hingkud ang panuigon.
Ang korte mirekomendar og P200,000 nga piyansa matag usa alang sa ilang temporaryong kagawasan.
Gikonsiderar si Wolverine Kyle nga anaa sa top 3 samtang si Kyle Antonius anaa sa top 4 nga most wanted person sa lungsod sa Dumanjug.