EX-CONVICT gipusil-patay samtang nagmaneho sa iyang motorsiklo samtang nagsubay sa kalsada sa St. Felina Village, Barangay Tisa, dakbayan sa Sugbo niadtong Oktubre 10 sa gabii.
Ang biktima naila nga si Mark Brian Lopez, 36, taga - A.Lopez St.Barangay Labangon, Cebu City.
Nasayran nga kanhi binilanggo sa kasong paghupot og illegal drugs.
Matod pa ni P/Major Henrix Bancoleta, Labangon Police Station nga nadakpan si Lopez niadto lang buwan sa Marso atol sa gihimong buy bust operation diin nakuhaan siya og gibana-bana 25 gramos nga gibug-aton sa shabu.
Duha ka anggulo ang gitan-aw sa kapulisan nga posibleng motibo sa pagpatay ni Lopez mao ang iyang pagkalambigit sa illegal drugs o gi-unay sa iya ra usab nga ka-transaction.
“Ang biktima man gyud maka duda ang iyang pagka abot sa lugar nga taga labangon raman siya unya nakuhaan ug usa ka bulto,” matod pa ni Bancoleta.
Gituohan nga posibleng mopa-uli na unta si Lopez sa dihang gi-atngan sa gunman sa dapit nga nahitaboan.
Atol niining pagsuwat wa pa mailhi ang mamumuno.